हेटौँडा । दसौँ राष्ट्रिय हेटौँडा भेट्रान्स कप ८ ए साइड रनिङ शिल्ड फुटबल प्रतियोगिता आगामी फागुन २२ गते देखी आयोजना हुने भएको छ । हेटौँडा भेट्रान्स क्लबद्वारा आयोजित पत्रकार सम्मेलनमा दशौँ संस्करणको प्रतियोगिता फागुन २२ गते देखी २६ गतेसम्म हेटौडा ४ मा रहेको हुप्राचौर खेलमैदानमा आयोजना हुने क्लबका अध्यक्ष रमेश कुमार उप्रेतीले जानकारी दिए ।

स्वास्थ्यका लागी खेलकुद भन्ने नाराका साथे गत वर्ष देखी ४५ वर्ष माथि उमेर समूहमा प्रतियोगिता आयोजना गर्दै आएको र यस वर्ष पनि ४५ वर्ष माथि उमेर समूह बिच देशैभरका १६ वटा भेट्रान्स क्लबहरूको सहभागिता रहने उप्रेतीले बताए । स्वास्थ्यका लागी खेलकुद भन्ने नाराका साथ आयोजना हुने भेट्रान्स प्रतियोगिताले पूर्व खेलाडीहरूको सम्बन्ध विस्तार र भाइचाराको सम्बन्ध प्रगाढ बनाउने क्लबका अध्यक्ष उप्रेतीले बताए ।