हेटौडा । यहाँ जारी तेस्रो संस्करणको राष्ट्रिय रोटरी मकवानपुर पिप्ले क्याम्पा राष्ट्रिय भेट्रान्स फुटबल प्रतियोगिताको फाइनलमा काठमाडौंको फ्रिडम फाइटर भेट्रान्स प्रवेश गरेको छ ।

पिप्ले–क्याम्पा रंगशालामा भएको दोस्रो सेमीफाइनल खेलमा सर्लाहीको हरिवन भेट्रान्सलाई १०–० गोलको फराकिलो अन्तरले पराजित गर्दै फ्रिडम फाइटर फाइनल प्रवेश गरेको हो ।

मंगलबार हुने फाइनल खेलमा उपाधिका लागि फ्रिडम फाइटरले झापाको पूर्वेली भेट्रान्ससँग खेल्नेछ । आइतबार भएको पहिलो समीफाइनल खेलमा जीतपुर–सिमरा उपमहानगरपालिकाको नवजनजागृति भेट्रान्स सिमरालाई १–० गोलले हराउँदै झापाको पूर्वेली भेट्रान्स फाइनलमा प्रवेश गरेको थियो ।