काठमाडौं । पोर्चुगलमा रहेका प्रवासी नेपालीहरुद्वारा स्थापित पोखरा फुटबल क्लब, लिस्बको आयोजनामा आउँदै गरेको बडादशैं र दिपावलीको अवसर पारी सेप्टेम्बर ८ तारीखका दिन पोखरा गोल्डकप सेभेन ए साईड फुटबल प्रतियोगिता हुने भएको छ ।

लिस्बन स्थित भिटोरिया दि क्लबमा हुने प्रतियोगिताको टिमदर्ता पनि खुला गरिएको छ । टिमदर्ता शुल्क भने ३५० युरो तोकिएको छ । साथै प्रतियोगितामा पोर्चुगलमा रहेका नेपाली समुदायका टिम र खेलाडीहरुले सहभागिता जनाउन पाउने पनि आयोजकले जानकारी दियो ।

प्रतियोगिताको विजेताले उपाधिसहित नगद ३ हजार युरो हात पार्नेछ भने उपविजेताले १५ सय युरोसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ तीन विधामा उत्कृष्ट हुने खेलाडीहरुलाई जनही ५०–५० युरो र ट्रफी प्रदान गरिने पनि आयोजकले जनाएको छ ।