वडा अध्यक्ष कप यु–१५ फुटबल प्रतियोगिता शुरु, पहिलो दिन पाँच खेलहरु सम्पन्न

News

Home
News
वडा अध्यक्ष कप यु–१५ फुटबल प्रतियोगिता शुरु, पहिलो दिन पाँच खेलहरु सम्पन्न

वडा अध्यक्ष कप यु–१५ फुटबल प्रतियोगिता शुरु, पहिलो दिन पाँच खेलहरु सम्पन्न

बिक्रम बानियाँ क्षेत्री Dec 12, 2024 20:38

हेटौडा । पिप्ले युवा क्लब, हेटौडा–५, पिप्ले, मकवानपुरको आयोजनामा बिहीबारदेखि वडा अध्यक्ष कप यु–१५ फुटबल प्रतियोगिता शुरु भएको छ । पिप्ले क्याम्पा रंगशालामा भएको प्रतियोगिताको पहिलो दिन कुल पाँच खेलहरु सम्पन्न भए ।

दिनको पहिलो खेलमा नागस्वती फुटबल एकेडेमीले हर्नामाडी सृजनशिल क्लबलाई पराजित गरेको छ । दोस्राे खेलमा दिव्य स्पोर्टस एकेडेमीले पन्चशिल क्लबलाई हरायो ।

त्यस्तै तेस्रो खेलमा बार्सा हेटाैडाले पिप्ले युवा क्लबको युथ १३ टिमलाई पराजित गरेको छ । चाैथो खेलमा देबनगर फुटबल क्लबले चाैघडा फुटबल एकेडेमीलाई पराजित गर्यो । पाचाै खेलमा पिप्ले युवा क्लबले शिखर क्लब थाहा नगरपालिकालाई पराजित गरेको छ ।

वडा न ५ को मुख्य प्रायोजन रहेको प्रतियोगिताको बिजेताले नगद ५० हजार रुपैया, शिल्ड, मेडल र प्रमाणपत्र प्राप्त गर्नेछन भने उपबिजेताले नगद २५ हजार सहित शिल्ड, मेडल र प्रमाणपत्र प्राप्त गर्नेछन ।

त्यसअघि प्रतियोगिताको उद्घाटन कार्यक्रमका प्रमुख अतिथी बागमती प्रदेश खेलकुद बिकाश परिषदका सदस्य सचिव दिपक लामाले गरेका थिए । प्रतियोगितामा मकवानपुर सहित बारा, पर्सा, चितवनको गरि कुल २० टिमहरुको सहभागिता रहेको छ ।

Post Comments

Previous इलाम गोल्डकपको फाइनलमा एनआरटी, चर्च ब्वाईजसँग उपाधि भिडन्त

Next आठौं पाङ्मा कपः तुम्लिङटार र खाँदबारीको जित