काठमाडौं । उत्कृष्ट र सहज जित निकाल्दै त्रिभुवन आर्मी फुटबल क्लब जारी एन्फा महिला लिगको क्वालिफायर वानमा प्रवेश गर्न सफल भएको छ । आइतबार भएको खेलमा आर्मीले वालिङ नगरपालिकालाई ६–१ ले हरायो ।

एन्फा कम्प्लेक्समा भएको खेलमा आर्मीका लागि चन्द्रा भण्डारीले ह्याट्रिकसहित पाँच गोल गर्दा थप एक गोल बिमला चौधरीले गरीन् । उता पराजित वालिङका लागि भने मिना देउवाले एक मात्र गोल फर्काएकी थिईन् ।

यो जितसँगै ७ खेलबाट १६ अंक जोडेको आर्मीले क्वालिफायर वानमा अर्को विभागीय टोली एपिएफसँगको भेट पक्का गरेको छ । उता पराजित वालिङ भने अंकविहीन छ र प्रतियोगिताबाट बाहिरिएको छ ।