काठमाडौं । एन्फा यु–१६ युथ लिग अन्तर्गत आइतबार थ्रीस्टार क्लब र फ्रेण्डस क्लबले आ–आफ्नो खेलहरुमा जित हात पार्दै तीन–तीन अंक जोडेका छन् ।

एन्फा कम्प्लेक्समा भएको खेलमा थ्रीस्टारले विभागीय टोली नेपाल पुलिस क्लबलाई २–० ले हरायो । यो जितपछि थ्रीस्टारको पाँच खेलबाट १३ अंक छ । पराजित पुलिसको भने समान खेलबाट १० अंक रहेको छ ।

अर्को खेलमा फ्रेण्डसले अर्को विभागीय टोली त्रिभुवन आर्मी फुटबल क्लबलाई ४–० को फराकिलो अन्तरले हरायो । यो जितपछि ६ खेलबाट फ्रेण्डसको १० अंक छ । उता पराजित आर्मी भने अझै अंकविहीन छ ।