बिर्तामोड । फराकिलो अन्तरको जित निकाल्दै यहाँ सम्पन्न एक दिने कर्पोरेट फुटसल प्रतियोगिताको उपाधि आदर्श स्कुल अफ म्यानेजमेन्टले जितेको छ ।

फाइनलमा आदर्श स्कुलले दि स्ट्रिटलाई १०–५ को फराकिलो अन्तरले हराउँदै उपाधि जित्न सफल भएको हो । विजेता बनेको आदर्श स्कुल अफ म्यानेजमेन्टले उपाधिसहित नगद ५० हजार हात पार्यो भने उपविजेता दि स्ट्रिटले २० हजारसहित ट्रफी, मेडल र प्रमाणपत्रमा चित्त बुझायो ।

विधागततर्फ आदर्श स्कुलका आशुतोष उत्कृष्ट गोलरक्षक चुनिए । सर्वाधिक गोलकर्ताको पुरस्कार पनि आदर्श स्कुल कै दिवस बास्तोलाले हात पार्दा प्रतियोगिताको सर्वश्रेष्ठ खेलाडी पनि आदर्श कै दिपेश खतिवडा घोषित भए ।