News
तेस्रो नेपाल सुपर लिगको दोस्रो खेल पनि बराबरीमा टुंगियो

काठमाडौं । जारी तेस्रो नेपाल सुपर लिग (एनएसएल) को दोस्रो खेल आइतबार बराबरीमा टुंगिएको छ । बुटवल लुम्बिनी एफसी र झापा एफसी बीच दशरथ रंगशालामा भएको खेल गोलरहित बराबरीमा टुंगिएको हो ।
यो बराबरी नतिजासँगै बुटवल र झापाले पनि आ–आफ्नो खातामा एक–एक अंक जोडेका छन् । स्मरण रहोस, लिगको उद्घाटन खेलमा शनिबार काठमाडौं रेजसी र ललितपुर सिटीले पनि २–२ गोलको बराबरी खेलेका थिए ।
खेलमा बुटवल लुम्बिनीका गोलरक्षक दिप कार्की भ्यालुएबल प्लेयर अफ दि म्याच बने । त्यस्तै झापाका लाकेन लिम्बु इनर्जेटिक प्लेयर अफ दि म्याच घोषित भए ।
लिग अन्तर्गत चैत्र १८ गते सोमबार अन्जन विष्ट सम्मिलित एफसी चितवन र आयुष घलान आवद्ध पोखरा थन्डर्स आमने सामने हुनेछन् ।
Post Comments
Related News
- नेपाली यु–२३ टोलीको सहायक प्रशिक्षकमा धिमाल, गोलकिपिङ प्रशिक्षकमा महर्जन र म्यानेजरमा श्रेष्ठ नियुक्त
- सायम अन्तरकलेज फुटसलमा २८ टोलीहरु सहभागि हुने
- दोस्रो हिमालयन फुटसल गोल्डकप साउन तेस्रो साता, विजेताले ३ लाख पाउने
- गोलनेपालकर्मी बिक्रम बानियाँले खेलकुद पत्रकार प्रोत्साहन पुरस्कार पाउने तय
- एसएमसी एसइइ कप हुँदै