काठमाडौ । विभागीय टोली नेपाल पुलिस क्लब जारी एन्फा महिला लिग राष्ट्रिय फुटबल प्रतियोगिताको फाइनलमा प्रवेश गर्ने दोस्रो टोली बनेको छ ।

सोमबार भएको लिगको दोस्रो क्वालिफायरतर्फ अर्को विभागीय टोली त्रिभुवन आर्मी फुटबल क्लबलाई पेनाल्टी शुटआउटमा हराउँदै पुलिस उपाधी नजिक पुगेको हो ।

एन्फा कम्प्लेक्समा भएको निर्धारित समय र अतिरिक्त समयको खेल गोलरहित बराबरीमा टुंगिएपछी खेलको छिनोफानो पेनाल्टीबाट लिइएको थियो । जसमा पुलिसले आर्मीमाथी २-१ को जित निकाल्न सफल भयो ।

पेनाल्टी शुटआउटमा विपक्षीको तीन प्रहार जोगाउँदै उत्कृष्ट प्रदर्शन गरेकी पुलिसकी गोलरक्षक उषा नाथ खेलको प्लेयर अफ दि म्याच बनिन ।

पुलिसले अब बुधबार दशरथ रंगशालामा हुने फाइनलमा अर्को विभागीय टोली साविक विजेता एपिएफ फुटबल क्लबसँग उपाधिका लागि भिड्नेछ ।