हेटौडा । यहाँ जारी मकवानपुर जिल्ला लिग फुटबल प्रतियोगिता अन्तर्गत फाइनलमा शहिद स्मृति क्लब र पदमपोखरी युवा क्लब उपाधिका लागि भिडन् भएका छन् । दुई सेमिफाइनलमा जित निकाल्दै शहिद स्मृति र पदमपोखरीले फाइनल भेट पक्का गरेका हुन् ।

पहिलो सेमिफाइनलतर्फ शहिद स्मृतिले न्यु कम्बाईन क्लबलाई पेनालटी शुटआउटमा ५–४ ले हराउँदै फाइनलमा स्थान सुरीषत गर्यो । त्यस्तै दोस्रो सेमिफाइनलमा पदमपोखरीले हाडिखोला युथ क्लबलाई २–१ ले हराउँदै उपाधि नजिक पुग्न सफल भयो ।

फाइनल खेल असोज १२ गते शनिबार हुने लिग संयोजक युवराज लामाले जानकारी दिए । मकवानपुर जिल्ला फुटबल संघको आयोजनामा जारी लिग विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ ।