
काठमाडौं । महत्वपूर्ण खेलमा जित हात पार्दै वालिङ नगरपालिका र कोशी प्रदेश जारी एन्फा महिला लिग राष्ट्रिय फुटबल प्रतियोगिताको सुपर लिग चरणमा प्रवेश गरेका छन् ।
बिहीबार एन्फा कम्प्लेक्समा भएको नवौं चरणको पहिलो खेलमा वालिङले चन्द्रपुर नगरपालिकामाथि २–१ को रोमाञ्चक जित निकाल्यो । वालिङका लागि ुसुक्रिया मिया र ज्याकलिन नसालीले गोल गरे । पराजित चन्द्रपुरका लागि भने सुनिता सुनारले एक मात्र गोल फर्काईन् ।
यो जितपछि ९ खेलबाट १५ अंक जोडेको वालिङ शिर्ष चारमा परेको छ । उता पराजित चन्द्रपुर भने ८ अंकका साथ लिगतालिकाको आठौं स्थानमा रहेर सिजनको समापन गर्न बाध्य बनेको छ ।
त्यस्तै बिहीबार नै भएको अर्को खेलमा कोशीले सुदुरपश्चिम प्रदेशमाथि ४–० को एकतर्फी जित निकाल्यो । कोशीका लागि समिक्षा मगरले दुई गोल गर्दा ममता राउत र खुश्मा राईले समान एक–एक गोल गरे ।
यो जितपछि ९ खेलबाट १४ अंक जोड्दै कोशी लिगतालिकाको पाँचौं स्थानमा रहेर वालिङसँगै दोस्रो चरणमा प्रवेश गरेको छ । पराजित सुदुरपश्चिम भने अंकविहीन रुपमा पुछार मै रहेर लिगको समापन गरेको छ ।
सुपर लिग चरणमा कोशी र वालिङ बाहेक तीन विभागीय टोलीहरु एपिएफ, पुलिस र आर्मीले पनि स्थान बनाएका छन् । सुपर लिग चरणका खेलहरु भने डबल राउण्ड रोबिनका आधारम हुनेछ ।
- सूर्यविनायकमा ५० हजार क्षमता भएको रंगशाला निर्माण हुने : प्रधानमन्त्री ओली
- प्रधानमन्त्रीद्वारा आज नेसनल हाई परफमेन्स सेन्टरको उद्घाटन हुँदै
- साबित्रासहित १० खेलाडीलाई इन्साइट भिजन स्कुल र राजधानी क्याम्पसको सम्मान
- साफ यू-१७ महिला च्याम्पियनसिप २०२५ को खेलतालिका सार्वजनिक, नेपाल पहिलो खेलमा भारतसँग भिड्ने
- प्रशिक्षक प्याट्रिक डि वाइल्ड नेपाल फर्कने वा नफर्कने भन्ने विषयमा गम्भीर शंका