पोखरा । कास्की जिल्लाा सक्रिय भएर फुटबल गतिविधीमा होमिएको हेमजा युनाइटेडले आउँदो जेष्ठ १४ गतेदेखि छैठौं राष्ट्रिय शुभकामना गोल्डकप फुटबल प्रतियोगिता आयोजना गर्ने भएको छ ।

पोखरा–२५ हेमजा स्थित गौरीशंकर खेलमैदानमा हुने प्रतियोगिताको आवश्यक तयारीहरु पनि शुरु भईसकेको आयोजक क्लबा अध्यक्ष इन्द्र बहादुर कुँवरले जानकारी दिए ।

जेष्ठ २१ गतेसम्म चल्ने प्रतियोगिताको विजेताले उपाधिसहित नगद ६ लाख हात पार्नेछ भने उपविजेताले ३ लाख प्राप्त गर्नेछ । त्यस्तै अन्य व्यक्तिगत विधातर्फ पनि आकर्षक पुरस्कारको व्यवस्था गरिएको अध्यक्ष कुँवरले बताए ।