काठमाडौं । शहिद स्मारक बी डिभिजन लिगतर्फ बाँसबारी क्लबले शुक्रबार झिनो अन्तरको जित निकाल्दै खातामा महत्वपूर्ण तीन अंक जोडेको छ ।

सातदोबाटो स्थित एन्फा कम्प्लेक्सको खेलमैदानमा भएको खेलमा बाँसबारीले च्यासल युथ क्लबमाथि १–० को साँघुरो अन्तरको जित निकाल्यो ।

खेलको ३१औं मिनटमा सरोज दर्लामीले गरेको एक मात्र गोल बाँसबारीलाई तीन अंक दिलाउन निर्णायक गोल बन्यो । निर्णायक गोलकर्ता दर्लामी खेलको प्लेयर अफ दि म्याच समेत चुनिए ।

यो जितसँगै ७ खेलबाट ९ अंक जोडेको बाँसबारी लिगतालिकाको पाँचौं स्थानमा उक्लेको छ । पराजित च्यासल भने ११ अंकका साथ चौथो स्थानमा छ ।