काठमाडौं । मोफसलको परिचित बागमती युवा क्लब, सर्लाहीलाई महिला फुटबलमा फरक उचाईं र पहिचान दिलाउन महत्वपूर्ण भूमिका खेलेकी महिला फुटबल खेलाडी सन्जी थिङ पनि विदेश प्रस्थान गरेकी छिन् ।

राष्ट्रिय महिला लिगमा बागमतीका लागि उत्कृष्ट प्रदर्शन समेत गरेकी सन्जी थिङ आफ्नो करियर र सुनिश्चित भविष्यका लागि कुवेत प्रस्थान गरेकी हुन् । विदेश पुग्ने उनी पहिलो नेपाली महिला खेलाडी भने होईनन् ।

नेपाली खेलकुद र खासगरी फुटबलमा भविष्य नदेखेकै कारण खेलाडीसँगै रेफ्री र प्रशिक्षकहरु पनि विदेश पलायन भईरहेका छन् । र, यो सूची अझै लम्बिने निश्चित पनि छ ।