काठमाडौं । नेपाली फुटबल खेलाडीहरुको छाता संगठन नेपाल फुटबल खेलाडी संघले विभिन्न मागहरु राख्दै अखिल नेपाल फुटबल संघ (एन्फा) लाई ध्यानाकर्षण पत्र बुझाएको छ ।

खेलाडी संघको तर्फबाट अध्यक्ष बिक्रम लामाले एन्फाका अध्यक्ष पंकज विक्रम नेम्वाङलाई ध्यानाकर्षण पत्र बुझाएका हुन् । ध्यानाकर्षण पत्रमा खेलाडीहरुको भविष्यलाई सुनिश्चत गर्न फुटबल कार्यक्रमहरुलाई ठोस रुपमा निरन्तरता दिन अनुरोध गरिएको छ ।

नेपालमा घरेलु फुटबलको सिजन शुरु भईसकेकाले एन्फाले आफू मातहत आयोजना गर्ने फुटबल प्रतियोगिताहरुलाई क्याण्डरअनुसार नै तोकिएको मितिमा आयोजना गर्न समेत आग्रह गरिएको छ ।

त्यस्तै गत वर्ष हुन नसकेको बी डिभिजन लिग यस वर्ष पनि हुने नहुने अनिश्चित रहेको चर्चा गर्दै खेलाडी संघका अध्यक्ष लामाले त्यसतर्फ पनि सहजीकरण गर्न आग्रह गरेका छन् ।

साथै खेलाडीसंघले ए डिभिजन लिग र चचिृत नेपाल सुपर लिगलाई एन्फाले निश्चित योजना बनाएर समयमै आयोजना गर्नुपर्नेमा जोड समेत दिएको छ ।

हेर्नुहोस ध्यानाकर्षण पत्रको विस्तृत रुपः