काठमाडौं । पहिलोपटक भुटानको शिर्ष फुटबल लिग भुटान प्रिमियर लिगमा फुङ्सोलिङ हिरोज फुटबल क्लबको जिम्मेवारी स्म्हालेका नेपालका युवा प्रशिक्षक सुमन श्रेष्ठले भुटानको टप लिगमा आफ्नो नयाँ क्लबका लागि प्रशिक्षकीय डेब्यु गरेका छन् ।

लिग अन्तर्गत शनिबा बिएफएफ एकेडेमी विरुद्ध प्रशिक्षक सुमनले प्रशिक्षकीय डेब्यु गरेका हुन् । यद्यपि सो खेल गोलरहित बराबरीमा टुंगिएको थियो ।

यो नतिजापछि ९ खेलबाट १० अंक जोडेको फुङ्सोलिङ लिगतालिकाको सातौं स्थानमा छ । त्यस्तै बिएफएफ एकेडेमी भने समान अंकका साथ आठौं स्थानमा छ । शिर्ष स्थानमा भने २५ अंक जोडेको पारो एफसी रहेको छ ।