काठमाडौं । अखिल नेपाल फुटबल संघ (एन्फा) ले राष्ट्रिय यु–२० फुटबल टोलीको फिजियोथेरापिस्टमा अनिष बुढाथोकीलाई नियुक्त गरेको छ । एन्फा महासचिव किरन राईले बुढाथोकीलाई मंगलबार नियुक्तिपत्र समेत हस्तान्तरण गरे ।

स्मरण रहोस, आउँदो अगस्तु १८ देखि २८ तारीखसम्म नेपाल मै साफ यु–२० च्याम्पियनसिप आयोजना हुँदैछ । हाल नेपाली युथ टोली त्यसकै लागि बन्द प्रशिक्षणमा समेत छ । प्रतियोगिताको समूह ए मा रहेको नेपालले बंगलादेश र श्रीलंकासँग खेल्नेछ । समूह बी मा भारत, माल्दिभ्स र भुटान रहेका छन् ।

नेपालले उद्घाटन खेलमै १८ अगस्तका दिन श्रीलंकासँग खेल्दै प्रतियोगिताको शुरुवात गर्नेछ । प्रत्येक समूहको शिर्ष दुई टोली सेमिफाइनलमा प्रवेश गर्नेछन् । भारत प्रतियोगिताको डिफेन्डिङ च्याम्पियन समेत हो ।