काठमाडौ । फिफा विश्वकप छनौट अन्तर्गत युएई र यमनसँगको अन्तिम दुई खेल खेलेर नेपाली राष्ट्रिय फुटबल टोली बिहीबार स्वदेश फर्किएको छ ।

नेपाली टोलीलाई त्रिभुवन विमानस्थलमा अखिल नेपाल फुटबल संघ (एन्फा) का उपाध्यक्ष दिपक खतिवडा, प्रवक्ता सुरेश साह लगायतले स्वागत गरेका थिए ।

स्मरणीय छ, साउदी अरेबियाको दमाम शहरमा सम्पन्न भएको छ्नौट प्रतियोगिता अन्तर्गतको ६ जुनका दिन भएको पहिलो खेलमा नेपालले युएईसँग ४-० को हार बेहोरेको थियो भने ११ जुनका दिन भएको दोस्रो खेलमा यमनसँग २-२ गोलको बराबरी खेलेको थियो ।