संक्रान्ति बजार (तेह्रथुम) । स्थानीय त्रिमोहन माविको खेल मैदानमा आयोजित ऐतिहासिक मदन मेला २०८१ को महिलातर्फको फुटबल प्रतियोगिताको उपाधि ताप्लेजुङ जिल्ला फुटबल संघले उचालेको छ ।

फाइनल खेलमा मुनाल एफसी जलजलेको बी टिमलाई १-० गोलले पराजित गर्दै ताप्लेजुङ च्याम्पियन बनेको हो । ताप्लेजुङलाई च्याम्पियन बनाउन प्रतिक्षा राईको गोल नै निर्णायक बन्यो ।

उनी खेलको बेस्ट प्लेयर पनि घोषित भइन् । यस्तै, हाइ स्कोरर ताप्लेजुङकी समिक्षा राई र मुनालकी आशिका कार्की भइन् । उनीहरुले समान २२ गोल गरेका थिए ।