मादी । ‘राष्ट्रका लागि खेलकुद, स्वास्थ्यका लागि खेलकुद, मादी मुलखर्कको पहिचान फुटबल विकासको अभियान’ भन्ने नाराका साथ हाङथुम क्लब, मादी–३, मुलखर्क, संखुवासभाको आयोजनामा आगामी फागुन २ देखि ६ गतेस्म्म ४५औं हाङथुम कप नाईन ए साईड नकआउट फुटबल प्रतियोगिता हुने भएको छ ।

मादी नगरपालिका–३ स्थित मुलखर्क खेलमैदानमा हुने प्रतियोगिताको आवश्यक तयारी पनि शुरु गरिएको आयोजकले जानकारी दियो । प्रतियोगिताको विजेताले उपाधिसहित नगद २,००,२२२ रुपैयाँ हात पार्नेछ भने उपविजेताले १,००,१११ रुपैयाँसहित ट्रफी, मेडल र प्रमाणपत्र प्राप्त गर्नेछ ।

त्यस्तै विधागततर्फ प्रतियोगिता कै सर्वोत्कृष्ट खेलाडीले नगद १० हजार र ट्रफी हात पार्नेछ भने अन्य विधातर्फ उत्कृष्ट हुनेहरुले नगद ५ हजारसहित ट्रफी हात पार्ने पनि आयोजकले जानकारी दियो ।