काठमाडौं । दोस्रो नेपाल सुपर लिग (एनएसएल) तर्फ साविक विजेता काठमाडौं रेजर्स र स्टार खेलाडीहरुले भरिएको एफसी चितवन आज आमने सामने हुँदैछन् । दुवै टोलीका लागि आज यो दोस्रो खेल हुनेछ ।

पहिलो खेलमा काठमाडौंले इलामलाई हराउँदै विजयी शुरुवात गरेको थियो भने चितवनले भने सनसनीपूर्ण रुपमा पोखरासँग हार बेहोरेको थियो । दशरथ रंगशालामा साँझ ५ः३० बजेदेखि शुरु हुने आजको खेलमा काठमाडौं लगातार दोस्रो जितको खोजीमा हुनेछ भने चितवन पहिलो जितको खोजीमा ।

लिगतालिकामा हाल १ खेलबाट ३ अंक जोडेको काठमाडौं तेस्रो स्थानमा रहँदा अंकविहीन चितवन भने सातौं स्थानमा छ । यस अर्थमा पनि आजको खेलमा दुवै टोलीको लक्ष्य निश्चित अंक बटुल्ने नै हुनेछ ।