काठमाडौं । युवाहरुलाई कुलतमा लाग्नबाट जोगाउन, स्वस्थ्य जीवनशैली अपनाउन तथा युथ फुटबलको प्रवद्र्धन गर्ने उद्देश्यका साथ आउँदो असोज ६ देखि ८ गतेसम्म सगरमाथा फुटबल कप खुला सेभेन ए साईड फुटबल प्रतियोगिता हुने भएको छ ।

सगरमाथा फुटबल एकेडेमी, काठमाडौंको आयोजना तथा जेबिपी लैनचौर युवा क्लब र सामुदायिक सेवा केन्द्र, १६। २६ र १७ को विशेष सहयोगमा हुन गईरहेको प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल प्राप्त गर्नेछ ।

त्यसबाहेक व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।