उमरजन, बारा। करैयामाई गा.पा को आयोजनामा सञ्चालन भइरहेको तेस्रो करैयामाई गोल्डकप फुट्बल प्रतियोगिता २०८३ को आज प्रतियोगिताको अन्तिम क्वटरफाइनल खेल सम्पन्न भएको छ। उक्त खेलमा हेटौडा फुटबल एकेडेमी, मकवानपुर ले नव जन प्रग्रिती युवा क्लब, करैयामाई लाई २-० को गोल अन्तरले पराजित गर्दै प्रतियोगिताको सेमिफाईनलमा प्रवेश गर्न सफल भएको हो।

खेल निकै रोचक हुँदै जाँदा पहिलो हाफको चौंथो मिनेटको समयमा नव जन प्रगती युवा क्लब को तर्फबाट सुजन चौधरीले उत्कृष्ट फिनिसिङ्ग सहित जाली छुमाउदै टोलि लाई पहिलो अग्रता दिलाएको थियो र खेल प्रतिस्पर्धा तर्फ पुग्यो। सोहिक्रमा हेटौँडा फुटबल एकेडेमी, मकवानपुर को तर्फबाट दोस्रो हाफको सुरुवाती समयमा शक्तिमान थिङ्ग ले लगातार व्यक्तिगत दुई गोल गरेर सानदार जित निकाल्दै प्रतियोगिताको सेमिफाइनलमा प्रवेश गरेको हो।

निर्धारित समयसम्म उत्कृष्ट प्रदर्शनी गर्दै व्यक्तिग दुई गोल समेत गरेका हेटौडा फुटबल एकेडेमी, मकवानपुर का शक्तिमान थिङ्ग 'म्यान अफ दि म्याच' घोषित हुदै नगद रु. एक हजार सहित ट्रफि प्राप्त गरे।

प्रतियोगिताको विजेताले नगद रु. सत्तरी हजार र उपविजेताले नगद रु.पैँतीस हजार सहित ट्रफि, मेडल र प्रमाण-पत्र प्राप्त गर्नेछन् भने विभिन्न विधागत पुरस्कारको पनि व्यवस्था रहेको छ।