काठमाडौं (एजेन्सी) । एएफसी एसियन कप छनौटतर्फ पछिल्लो समय सुन्दर लयमा रहेको श्रीलंकाले मंगलबार पहिलो र महत्वपूर्ण जित हात पारेको छ । छनोट प्रतियोगिताको समूह डी मा रहेको २००औं स्थानको श्रीलंकाले १६६औं स्थानमा रहेको चाइनिज ताइपेईलाई ३–१ ले हरायो ।

श्रीलंकाले आफ्नो पहिलो खेलमा पनि बलियो थाइल्याण्डसँग उसकै घरमा १–० को सम्मानजनक हार बेहोरेको थियो । यो नतिजापछि २ खेलबाट ३ अंक जोडेको श्रीलंका अंकतालिकाको तेस्रो स्थानमा छ । एक खेल कम खेलेको थाइल्याण्ड र तुर्कमेनिस्तान क्रमशः पहिलो र दोस्रो स्थानमा छन् । अंकविहीन ताइपेई भने पुछारमा छ ।