
काठमाडौं । मंगलबार सम्पन्न एन्फा यु–१६ युथ लिग फुटबल प्रतियोगिताको उपाधि चर्च ब्वाईज युनाइटेडले जितेको छ । २० खेलबाट ५० अंक जोडेको चर्च ब्वाईज शिर्ष स्थानमा रहेर च्याम्पियन बन्यो । विजेता चर्च ब्वाईजले उपाधिसहित नगद १ लाख हात पार्यो ।
दोस्रो स्थानमा ४८ अंकसहित एपिएफ फुटबल क्लब रहयो । एपिएफले लिगको अन्तिम खेलमा नेपाल पुलिस क्लबमाथि ५–४ को रोमाञ्चक जित निकाल्दै लिगतालिकाको दोस्रो स्थानमा रहेर प्रतियोगिताको सुखद समापन गर्न सफल भयो । तेस्रो स्थानमा भने ४२ अंक जोडेको फ्रेण्डस क्लब रह्यो ।
त्रिभुवन आर्मी फुटबल क्लब प्रतियोगिताको फेयर प्ले टिम बन्यो । थ्रीस्टारका सृजन श्रेष्ठ प्रतियोगिता कै सर्वश्रेष्ठ खेलाडी घोषित भए । सर्वाधिक गोलकर्ताको पुरस्कार भने एपिएफका तेन्जिङ शेर्पाले हात पारे । उत्कृष्ट गोलरक्षक भने चर्च ब्वाईजका पास्कल बस्नेत चुनिए । उत्कृष्ट बनेका सबैले जनही १५–१५ हजार र ट्रफी हात पारे ।
- सातौं लो–छोग्याल जिग्मे मोमोरियल कपको नयाँ मिति तय
- नेपाली यु–२३ टोलीको सहायक प्रशिक्षकमा धिमाल, गोलकिपिङ प्रशिक्षकमा महर्जन र म्यानेजरमा श्रेष्ठ नियुक्त
- नेपाली राष्ट्रिय यु–२३ फुटबल टोलीको मुख्य प्रशिक्षकमा न्यौपाने
- एन्फाको सहायक महासचिव पदबाट अलग भए जोशी (पत्रसहित)
- महिला लिग छ्नौट खेल्ने क्लबहरुका लागि सामाजिक सञ्जाल र फिफा कनेक्ट कार्यशाला सम्पन्न