काठमाडौं । मलेसियामा रहेका नेपालीहरुद्वारा स्थापित पिबी एफसी, जोहोरको आयोजनामा आउँदो मार्च ३० तारीखका दिन प्रथम जोहोर फुटसल कप हुने भएको छ ।

जोहोर शहर मै हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ४५० मलेसियन रिंगेट तोकिएको छ । साथै प्रतियोगितामा कुल २० टोलीहरु सहभागि हुने अनुमान गरिएको आयोजक क्लबका सचिव दिपक कार्कीले बताए ।

प्रतियोगिताको विजेताले उपाधिसहित नगद ३ हजार मलेसियल रिंगेट हात पार्नेछ भने उपविजेताले १५०० मलेसियन रिंगेटसहित ट्रफी, मेडल प्राप्त गर्ने आयोजक क्लबका अध्यक्ष दिलिप बिष्टले जानकारी दिए । त्यस्तै विधागततर्फ पनि उचित पुरस्कारको व्यवस्था गरिएको आयोजकले जनाएको छ ।

प्रतियोगिताबारे थप जानकारीका लागि सम्पर्क नम्बरहरु 01131684722, 011-65034238 मा सम्पर्क गर्न सकिने पनि आयोजकले जानकारी दियो ।