काठमाडौं । एन्फा यु–१६ युथ लिगतर्फ मंगलबार भएका दुई खेलहरुको नतिजा बराबरीमा सकिएको छ ।

एन्फा कम्प्लेक्समा भएको दिनको पहिलो खेलमा थ्रीस्टार क्लब र चर्च ब्वाईज युनाइटेडले गोलरहित बराबरी खेल्दै अंक बाँडे ।

यो नतिजापछि ८ खेलबाट १९ अंक जोडेको चर्च ब्वाईज दोस्रो स्थानमा छ । उता थ्रीस्टार भने समान खेलबाट १७ अंकका साथ तेस्रो स्थानमा छ ।

त्यस्तै मंगलबार नै भएको अर्को खेलमा नेपाल पुलिस क्लब र संकटा फुटबल क्लबले १–१ को बराबरी खेले । यो नतिजापछि ८ खेलबाट १४ अंक जोडेको पुलिस चौथो स्थानमा छ । संकटा भने १३ अंकका साथ पाँचौं स्थानमा छ ।