काठमाडौं । एन्फा महिला लिगतर्फ प्ले अफको होडबाट बाहिरिसकेको वालिङ नगरपालिकाले मंगलबार आफ्नो अन्तिम खेलमा जित हात पार्दै लिगको सुखद समापन गरेको छ ।

एन्फा कम्प्लेक्समा भएको खेलमा वालिङले बागमती युवा क्लबमाथि ३–१ को जित निकाल्यो । वालिङका लागि सुष्मा तामाङले ह्याट्रिक गरीन् । पराजित बागमतीका लागि भने सारा लिम्बुले एक मात्र गोल फर्काएकी थिईन् ।

यो जितपछि ८ खेलबाट ३ अंक जोड्दै वालिङले लिगमा सुखद समापन गर्न सफल भयो । उता पराजयका बावजुद बागमतीको खातामा भने ४ अंक रहेको छ ।