नक्सलबारी । पानबारी फुटबल क्लब, धरान सुनसरी यहाँ जारी पाँचौं माघे संक्रान्ती कप खुला नकआउट फुटबल प्रतियोगिताको सेमिफाइनलमा प्रवेश गर्ने तेस्रो टोली बनेको छ ।

पानबारीले दोस्रो क्वाटरफाइनलतर्फ इन्ट्रा पथरी–११, पथरी मोरङलाई शून्यका विरुद्ध २ गोलले हराउँदै अन्तिम चारमा प्रवेश गरेको हो । पानबारीको जितमा मिलन लिम्बुले गरे । दुई गोल गरेका मिलन नै खेलको म्यान अफ दि म्याच चुनिए ।

प्रतियोगिता अन्तर्गत पुस २६ गते शुक्रबारको चौथो तथा अन्तिम क्वाटरफाइनल खेल नक्सलबारी फुटबल क्लब, मोरङ र तालतलैया ब्वाईज, सुनसरी बीच हुने आयोजकले जानकारी दियो ।

नक्सलबारी फुटबल क्लब, मोरङको आयोजनामा जारी प्रतियोगिताको विजेताले उपाधिसहित नगद १,०१,१११ रुपैयाँ हात पार्नेछ भने उपविजेताले ५१,००० सहित ट्रफी, मेडल र प्रमाणपत्र प्राप्त गर्नेछ । फाइनल खेल भने माघ १ गतेका दिन हुनेछ ।