काठमाडौं । लायन्स इन्टरनेशनलको आयोजनामा आउँदो आउँदो माघ १९ देखि २२ गते (फेब्रुअरी १ देखि ४ तारीख)सम्म गभर्नर कप सेभेन ए साईड फुटसल प्रतियोगिता हुने भएको छ ।

बाल क्यान्सर विरुद्ध सचेतना जगाउने उद्देश्यका साथ आयोजना हुन गईरहेको प्रतियोगिताको आवश्यक तयारी पनि शुरु गरिएको आयोजकले जानकारी दियो ।

कपन स्पोर्टस सेन्टरमा हुने प्रतियोगिताको टिमदर्ता पनि खुला गरिएको छ । साथै इच्छुक क्लबहरुका लागि टिमदर्ता शुल्क ७५०० तोकिएको पनि आयोजकले जनाएको छ ।

प्रतियोगिताको विजेता, उपविजेता टोली तथा विधागततर्फका उत्कृष्ट खेलाडीहरुलाई उचित पुरस्कारको व्यवस्था गरिएको पनि आयोजकले जानकारी दियो ।

प्रतियोगितामा आधिकारिक रुपमा दर्ता भएका र लायन्सका सदस्यहरुले मात्र आफ्नो टिमदर्ता गर्न पाउने पनि आयोजकले जनाएको छ ।