काठमाडौं । बुढानिलकण्ठ युवा समाजको आयोजनामा यही असोज १७ र १८ गतेका दिन नवौं बुढानिलकण्ठ नगर कप फुटबल प्रतियोगिता हुने भएको छ ।

बुढानिलकण्ठ स्कुलको खेलमैदानमा हुने प्रतियोगिताको आवश्यक तयारीहरु पनि अन्तिम चरणमा रहेको आयोजकले जानकारी दियो ।

आउँदो गरेको महान चाड दशैंको अवसर पारी आयोजना हुन गईरहेको प्रतियोगिताको विजेताले उपाधिसहित नगद १,११,१११ रुपैयाँ हात पार्नेछ भने उपविजेताले ५५,५५५ रुपैयाँस्हित ट्रफी,मेडल र प्रमाणपत्र प्राप्त गर्नेछ ।

त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।