काठमाडौ । अखिल नेपाल फुटबल संघ (एन्फा) ले साफ यु-१७ च्याम्पियनसिप र एएफसी यु-२० एसियन कप छ्नौट खेल्ने युवा टोलीहरुको विदाई गरेको छ ।

स्मरण रहोस, नेपालको यु-१७ टोलीले यही सेप्टेम्बर २० देखि ३० तारीखसम्म भुटानमा हुन गईरहेको साफ यु-१७ च्याम्पियनसिप खेल्दैछ ।

समूह बी मा रहेको नेपालले आयोजक भुटानसँगै पाकिस्तान र श्रीलंकास्ँग खेल्ने कार्यक्रम छ । त्यस्तै समूह बी मा साविक विजेता भारत, उपविजेता बंगलादेशसँगै माल्दिभ्स रहेका छन ।

प्रत्येक समुहको शिर्ष दुई टोली सेमिफाइनलमा प्रवेश गर्नेछन । नेपालले आफ्नो पहिलो खेल सेप्टेम्बर २१ तारीखका दिन पाकिस्तानसँग खेल्दै प्रतियोगिताको शुरुवात गर्नेछ ।

यु-२० एसियन कप छनौटतर्फ पनि नेपाल समूह बी मा

त्यस्तै यही सेप्टेम्बर २१ तारीखदेखी चाइनिज ताईपेईमा हुने एएफसी यु-२० एसियन कप छनौटतर्फ नेपालले समूह बी मा रहेर प्रतिस्पर्धा गर्ने कार्यक्रम छ ।

नेपालले समूह चरणको पहिलो खेल २१ सेप्टेम्बरका दिन कम्बोडियासँग खेल्दै प्रतियोगिताको शुरुवात गर्नेछ । समूह बी मा नेपाल र कम्बोडिया बाहेक आयोजक चाईनिज ताईपेई, बहराइन र बलियो उज्वेकिस्तान रहेका छन ।