इटहरी । एमएफसी, इटहरी, तरहराको आयोजनामा यही साउन ३१ र ३२ गतेका दिन प्रथम तरहरा एमएफसी कप खुला फुटसल प्रतियोगिता हुने भएको छ । इटहरी–२०, तरहरामा हुने प्रतियोगिताको साउन २५ गतेसम्म टिमदर्ता पनि खुला गरिएको छ । साथै टिमदर्ता शुल्क ४५०० तोकिएको छ ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि आकर्षक नगद पुरस्कारको व्यवस्था गरिएको आयोजकले जानकारी दियो ।

त्यस्तै प्रतियोगितामा सहभागिता जनाउने क्लबले आफ्नो स्क्वाडमा राष्ट्रिय फुटसल टिम वा ए डिभिजन फुटसल लिग खेलेका दुई खेलाडीहरुलाई मात्र सामेल गर्न पाउने पनि आयोजकले जनाएको छ ।