भरतपुर | सेन्ट्रल कलेज अन्तर कलेज फुटसलको उपाधि अक्सफोर्ड कलेजले जितेको छ । क्यासी स्पोर्ट्स एण्ड रिक्रिएसन सेन्टर भरतपुरमा भएको फाइनलमा फोर्ब्स कलेजलाई २-१ ले हराउँदै अक्सफोर्ड च्याम्पियन बनेको हो ।

अक्सफोर्डलाई जिताउन दुबै गोल निसान परियारले गरे । फोर्ब्सका रोजल दाहालले एक गोल गरे । विजेता अक्सफोर्डले ट्रफीसहित ५० हजार रुपैयाँ प्राप्त गरेको छ । उपविजेतामा सीमित फोर्ब्सले २५ हजार प्राप्त गरेको छ ।

अक्सफोर्डका निशान परियार प्रतियोगिताभरको उत्कृष्ट खेलाडी घोषित भए । यस्तै फोर्ब्सका सुरज तमु उत्कृष्ट गोलकिपर भए । उनीहरुले जनही दुई दुई हजार रुपैयाँ प्राप्त गरे ।