काठमाडौं । राष्ट्रिय महिला फुटबल टोलीकी महत्वपूर्ण खेलाडी तथा मिडफिल्डर अनिता केसीलाई मातृशोक परेको छ । गोलनेपाललाई खबर प्राप्त भए अनुसार अनिताको आमाको उनको गृहजिल्ला रौतहटमा निधन भएको हो ।

अनिताले आफ्नी आमाको निधनबारे सामाजिक सञ्जालमार्फत पनि जानकारी गराएकी छिन् । उनले सामाजिक सञ्जालमा आमाको तस्विर पोष्ट गर्दै “मेरो मनमा हजुरको स्थान अरु कसैले लिन नसक्ने” भन्दै श्रद्धाञ्जली पनि अर्पण गरेकी छिन् ।

स्मरण रहोस, अनितजा राष्ट्रिय खेलाडी हुनुका साथै विभागीय टोली सशस्त्र प्रहरीमा पनि कार्यरत छिन् । साथै एपिएफ क्लब कै लागि व्यवसायीक फुटबल पनि खेल्दै आएकी छिन् ।