काठमाडौं । नेपाली महिला फुटबल टोलीकी कप्तान तथा गोलरक्षक अन्जिला तुम्बापो सुब्बा सम्मिलित सेथु एफसीले जारी हिरो इण्डियन वुमन्स लिगमा शानदार जितका साथ सिजनको शुरुवात गरेको छ ।

लिग अन्तरगत समूह बी मा रहेको सेथुले शुक्रबार आफ्नो पहिलो खेलमा चर्चिल ब्रदर्श फुटबल क्लबमाथि ६–० को फराकिलो जित निकाल्यो । सेथुको जितमा काजल डि’सुजाले ह्याट्रिकसहित चार गोल गरिन् । त्यस्तै आइभी फैथ एटिनो र सुनिता मुन्डाले थप एक–एक गोल गरिन् ।

खेलमा अन्जिलाले पहिलो रोजाई मै रहेर गोलपोष्टको जिम्मेवारी सम्हालेकी थिईन् । र लिगको पहिलो खेलमै क्लिन शिट हात पार्न पनि सफल भईन् ।

स्मरण रहोस, सेथुले सन् २०१८–१९ को सिजनमा लिग उपाधि जितेको थियो भने सन् २०२१–२२ को सिजनमा उपविजेता समेत बनेको थियो ।