काठमाडौं । सनु २०२४ मा फ्रान्सको पेरिस शहरमा हुने ओलम्पिकको महिला फुटबलतर्फ एसियाली छनौटको आफ्नो समूहको खेलहरु नेपालले आयोजना गर्ने भएको छ । छनौट प्रतियोगिता अन्तरगत समूह सी मा रहेको नेपालसँगै भियतनाम, अफगानिस्तान र प्यालेस्टाईन छन् ।

नेपालले महिला फुटबलतर्फ ओलम्पिक छनौट प्रतियोगिताको आयोजना अधिकार पहिलोपटक पाएको हो । नेपालले आयोजना अधिकार पाएको छनौट प्रतियोगिता आउँदो चैत महिनामा हुने कार्यक्रम छ ।

आयोजना अधिकारबारे अखिल नेपाल फुटबल संघ (एन्फा) का महासचिव किरन राईले पुष्टी गरेका छन् । यसअघि छनौट प्रतियोगिता तटस्थ मैदानमा गर्ने एएफसीले बताए तापनि एन्फाले नेपालमा आयोजना गर्नका लागि एएफसीसँग प्रस्ताव गरेको थियो । सोही अनुरुप नेपालले आयोजना गर्ने जिम्मेवारी पाएको महासचिव राईले बताए ।