काठमाडौ । नेपाली राष्ट्रिय महिला फुटबल टोलीकी फरवार्ड रेखा पौडेल राष्ट्रिय टोलीमा सामेल हुन स्वदेश फर्किएकी छिन ।

केही दिन अघि मात्र अबुधाबी कन्ट्री क्लबका लागि युएईको शिर्ष महिला लिग फुटबल प्रतियोगिताको उपाधी जितेकी रेखा सोमबार स्वदेश फर्किएकी हुन ।

रेखा अब राष्ट्रिय महिला फुटबल टोलीको बन्द प्रशिक्षणमा सामेल हुनेछिन । स्मरण रहोस, नेपाली महिला फुटबल टोली हाल एएफसी महिला एसियन कप छनौट प्रतियोगिताको तयारीमा व्यस्त छ ।

एएफसी महिला एसियन कप छनौटतर्फ नेपालले आयोजल उज्वेकिस्तान, लाओस र श्रीलंकासँग खेल्ने कार्यक्रम छ ।