प्रथम त्रिभुवन स्मृति कप सुरु

Province 4

Home
Province 4
प्रथम त्रिभुवन स्मृति कप सुरु

प्रथम त्रिभुवन स्मृति कप सुरु

उमेश पुन Feb 28, 2025 22:10

पोखरा । पोखरा महानगरपालिका-२२, ठुलिविडीस्थित परिवर्तन युवा क्लबको आयोजना र पोखरा हटलाइन राष्ट्रिय दैनिकको सहआयोजनामा प्रथम त्रिभुवन स्मृति कप ५ ए साईड फुटबल प्रतियोगिता २०८१ को शुक्रबार शुरू भएको छ।

शुक्रबार ४ खेल सम्पन्न भएको कार्यक्रममा संयोजक सुदिप बरालले बताए । प्रमुख अतिथि गण्डकी प्रदेश सांसद माननीय प्रकाश बराल र विशिष्ट अतिथि जिल्ला समन्वय अधिकारी नवराज बरालले प्रतियोगिता उद्घाटन गरेका थिए। प्रतियोगितामा कुल २० टिम सहभागी रहेको छ ।

युवाहरूलाई खेलकुदप्रति आकर्षित गर्ने, दक्ष खेलाडी उत्पादन गर्ने, उद्देश्य सहित सुरू भएको प्रतियोगितामा प्रथम स्थान प्राप्त गर्ने टिमलाई नगद रु. ५५,५५५/- सहित शिल्ड, मेडल तथा प्रमाणपत्र प्रदान गरिने जानकारी आयोजकले दिएका छन्।

द्वितीय स्थान प्राप्त गर्ने टिमलाई नगद रु. २५,५५५/- सहित शिल्ड, मेडल तथा प्रमाणपत्र प्रदान गरिने छ। साथै, उत्कृष्ट खेलाडी, सर्वाधिक गोलकर्ता र उत्कृष्ट गोलरक्षकलाई विशेष विधागत पुरस्कार पनि प्रदान गरिने छ।

स्मरण रहोस, केही महिना अघि पोखरा मै भएको विमान दुर्घट्नामा परी निधन भएको युवा पत्रकार त्रिभुवन पौडेलको स्मृतिमा यो फुटबल प्रतियोगिता आयोजना गरिएको आयोजकले जनाएको छ ।

Post Comments

Previous आयोजक हरमटारीलाई उपाधी

Next कालाबाङ घरेडीलाई प्रथम त्रिभुवन कपको उपाधि