काठमाडौं । अर्को महिला अन्तर्राष्ट्रिय फुटबलमा व्यस्त रहने नेपाली राष्ट्रिय पुरुष फुटबल टोलीको बन्द प्रशिक्षण आधिकारिक रुपमा शुरु भएको छ । मुख्य प्रशिक्षक म्याट रोसले प्रारम्भिक टोलीमा परेका खेलाडीहरुलाई सहभागि गराई बुधबारदेखि बन्द प्रशिक्षण शुरु गरेका हुन् ।

त्यसबाहेक प्रशिक्षक रोसले खेलाडीहरुको क्षमता, फिटनेस र मानसिक स्वास्थ्य अभिवृद्धि गर्ने उद्देश्यका साथ हाई अल्टिच्युड अभ्यास पनि गराउने भएका छन् । त्यसका लागि पुरुष फुटबल टोली बिहीबार मनाङतर्फ जाँदैछ । टिम नेपालले मुस्ताङमा ६ दिन कडा अभ्यास गर्ने बताइएको छ ।

स्मरण रहोस, नेपालले आउँदो जुन ५ तारीखका दिन हङ्गकङ्गसँग उसकै घरेलु मैदानमा अन्तर्राष्ट्रिय मैत्रीपूर्ण फुटबल म्याच खेल्दैछ भने जुन १० तारीखका दिन एएफसी एसियन कप छनौटको खेलतर्फ लाओससँग भिड्ने कार्यक्रम छ ।