काठमाडौं । अखिल नेपाल फुटबल संघ (एन्फा) ले यही बैशाख २० गतेदेखि आयोजना गर्ने भनेको एन्फा कप ए डिभिजन फुटबल प्रतियोगिता स्थगित गरेको छ ।

ए डिभिजन लिग आयोजना अन्यौलको अवस्थामा रहेका बेला एन्फाले ए डिभिजन क्लबहरुलाई सहभागि गराई एन्फा कप नकआउट फुटबल प्रतियोगिता आयोजना गर्ने घोषणा गरेको थियो ।

यद्यपि एन्फाले बिहीबार सम्बन्धित क्लबहरुलाई पत्राचार गरी प्राविधिक समस्याका कारण प्रतियोगिता तोकिएको मितिमा गर्न नसकिने जानकारी गराएको हो ।

त्यसबाहेक एन्फाले क्लब लाइसेन्सिङ्ग मापदण्ड, एएफसी मापदण्ड र क्लब लाइसेन्सिङ एडमिनिस्ट्रेशन सिस्टम लगायतका कार्यक्रमहरु पनि स्थगित गरिएको एन्फाले जनाएको छ ।