दमक । सहज जितका साथ दमक ३ यहाँ जारी ध्रवतारा कप खुला नकआउट फुटबल प्रतियोगिताको फाइनलमा प्रवेश गरेको छ ।

सोमबार भएको दोस्रो सेमिफाइनलतर्फ दमक ३ ले बिआरसी बेलडाङ्गीलाई शून्यका विरुद्ध ३ गोलले हराउँदै फाइनल प्रवेश गरेको हो ।

खेलमा दमक ३ का निश्चल बस्नेत म्यान अफ दि म्याच चुनिए । दमक ३ ले अब मंसिर ५ गते हुने फाइनलमा दमक ४ सँग उपाधिका लागि भिड्नेछ ।

ध्रुवतारा स्र्पोटिङ क्लब, दमक, झापाको आयोजनामा जारी प्रतियोगिताको विजेताले उपाधिसहित नगद ८० हजार हात पार्नेछ भने उपविजेताले ४० हजार प्राप्त गर्नेछ ।