काठमाडौं । एक पछि अर्को राष्ट्रिय खेलाडीहरुको विदेश पलायनको क्रम जारी रहँदा त्यही सूचीमा सञ्जिव विष्ट पनि थपिएका छन् । नेपाली टोलीका उदाउँदा फरवार्डका रुपमा हेरिका विष्टले आफ्नो सुनिश्चित भविष्यका लागि अष्ट्रेलियालाई गन्तव्य बनाएर विदेशिएका हुन् ।

पछिल्लो समय सम्भावना बोकेका फरवार्ड मध्ये एकका रुपमा हेरिका सञ्जिव विष्ट राष्ट्रिय टोलीको अग्रपंक्तिमा आफूलाई उभ्याउन प्रयासरत थिए । तर, लिग पनि नहुनु, फुटबलमा भविष्य पनि सोंचे जस्तो नदेखेपछि सञ्जिवले विदेशिनुलाई अन्तिम विकल्पका रुपमा हेर्न बाध्य बने ।

स्मरण रहोस, केही साता अघि मात्रै राष्ट्रिय टोलीकै अर्का सदस्य हिसुब थपलिया पनि अष्ट्रेलिया पुगेका थिए । हाल अष्ट्रेलिया मै राष्ट्रिय टोलीबाट खेलिसकेका अधिकांश खेलाडीहरु आफूलाई त्यहाँको फुटबलसँगै करियरमा उभ्याउन व्यस्त पनि छन् ।