काठमाडौं । एन्फा महिला लिग राष्ट्रिय फुटबल प्रतियोगिता अन्तर्गत लयमा फर्किएको संकेत देखाएको वालिङ नगरपालिकाले छैठौं चरणको अन्तिम खेलमा जित निकाल्दै लिगतालिकाको शिर्ष चारमा उक्लिएको छ ।

बिहीबार भएको एक मात्र खेलमा वालिङले बागमती युवा क्लब,लाई शून्यका विरुद्ध ४ गोलले हराउँदै सिजनको चौथो जित दर्ता गर्न सफल भयो ।

एन्फा कम्प्लेक्समा भएको एक मात्र खेलमा वालिङका लागि सिसी एन्टोङ्गो र ज्याकलिन नसालीलेसमान दुई–दुई गोल गर्दै वालिङको प्रभावशाली जित पक्का गरे ।

यो ेजितपछि ६ खेलबाट १२ अंक जोडेको वालिङ लिगतालिकाको चौथो स्थानमा छ । पराजित बागमती भने ४ अंकका साथ लिगतालिकाको आठौं स्थानमा छ ।

कुल १० टोलीहरु सहभागि लिग विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ । त्यस्तै विधागततर्फ पनि आकर्षक नगद पुरस्कारको व्यवस्था गरिएको छ ।