पोखरा । मालेपाटन युवा क्लब, पोखराको आयोजनामा आउँदो मंसिर १६ देखी २२ गतेसम्म मालेपाटन कप खुला सेभेन ए साईड नकआउट फुटबल प्रतियोगिता हुने भएको छ ।

बिगतको बर्षमा झै यस बर्ष पनि खेल क्षेत्रको विकास, खेलमार्फत स्थानीय पहिचान, सामाजिक सद्भाव बढाउन, ‘समाज परिवर्तनका लागि खेलकुद’ भन्ने उदेश्यका साथ प्रतियोगिताको दोस्रो संस्करण हुन लागेको हो ।

प्रतियोगिताको विजेताले उपाधिसहित नगद १ लाख ३५ हजार हात पार्नेछ भने उपविजेताले ७० हजारप्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई जनही ३–३ हजारसहित ट्रफी प्रदान गरिनेछ । त्यसबोहक सर्वोत्कृष्ट खेलाडीलाई नगद ५ हजारसहित ट्रफी प्रदान गरिने खेल संयोजक सुजन गुरुङले जानकारी दिए ।