काठमाडौं । नेपाली राष्ट्रिय महिला फुटबल टोलीकी नियमित तथा महत्वपूर्ण सदस्य पुजा राना वैवाहिक बन्धनमा बाँकिएकी छिन् । पुजाले आफ्नो प्रेमी अमृत घलेसँगको प्रेम सम्बन्धलाई विवाहमा परिणत गरेकी हुन् ।

राष्ट्रिय फुटबल टोलीको रुक्षापंक्ति सम्हाल्ने पुजाले आफ्नो विवाह केही समय अघि भए तापनि त्यसलाई आधिकारिक रुपमा घोषणा नगरेको बताईन् । “केही आफ्नै कारणले गर्दा विवाह लगतै आधिकारिक रुपमा कसैलाई जानकारी गराएनौं । केही नजिकका बाहेक धेरैलाई मेरो विवाहबारे थाहा छैन ।” पुजाले बताईन् ।

हाल नेपाल पुलिसमा जागिरेसँगै पुलिसबाटै व्यवसायीक फुटबल समेत खेलिरहेकी पुजाले विवाह पश्चात पनि फुटबल करियरलाई भने अझै अगाडी बढाउँदै लैजाने बताईन् । पुजा भन्छिन्, “विवाह गरे पनि फुटबल करियरलाई अझै निरन्तरता दिने विचारमा छु ।”