रामपुर । आयोजक ज्योतिपुञ्ज युवा क्लब यहाँ जारी ज्योतिपुञ्ज कप खुला नकआउट फुटबल प्रतियोगिताको फाइनलमा प्रवेश गरेको छ । शुक्रबार भएको पहिलो सेमिफाइनलमा ज्योतिपुञ्जले भैरव स्पोर्टस क्लब, नवलपरासीलाई २–० ले हराउँदै उपाधि नजिक पुग्न सफल भएको हो ।

रामपुर–७, किसानबारी स्थित ज्योतिपुञ्ज खेलमैदानमा भएको खेलमा ज्योतिपुञ्जका लागि दुवै गोल मोहित गुरुङले गरे । आयोजक टोलीलाई फाइनल पुर्याउन निर्णायक र नायक बनेका मोहित गुरुङ नै खेलको म्यान अफ द म्याच चुनिए ।

प्रतियोगिता अन्तरगत असोज २७ गते शनिबारको दोस्रो सेमिफाइनल न्यु युथ युनियन क्लब, पाल्पा र फर्साटिकर युवा क्लब, रुपन्देहीबीच हुने खेल संयोजक अनिल शाही ठकुरीले जानकारी दिए ।