हेटौडा । साउथ एसियन फुटबल महासंघ (साफ) को आयोजनामा भुटानको थिम्पुमा यहि भाद्र १५ गतेदेखी २४ गतेसम्म आयोजना हुने युथ–१६ साफ च्याम्पियनसिप फुटबल प्रतियोगिताको अन्तिम छनौटमा २३ जना भित्र मकवानपुरका तिन खेलाडी पर्न सफल भएका छन ।

यु–१६ टोलीमा मकवानपुरका बिशेष बानियाँ, सन्तोष गोङबा र भुवन कार्मी फाइनल स्क्वाडमा पर्न सफल भएका हुन् । बिशेष र सन्तोषले जारी यु–१६ लिगमा न्युरोडटिम (एनआरटी) बाट खेलिरहेका छन् भने भुवनले त्रिभुवन आर्मी फुटबल क्लबको युथ टिमबाट खेलेका छन् ।

स्मरण रहोस, यसै महिना हुने साफ यु–१६ च्याम्पियनसिपतर्फ नेपाल समूह ए मा परेको छ । जहाँ नेपालले गत संस्करणको विजेता भारत र बंगलादेशसँग खेल्नेछ । नेपाल भने गत संस्करणको उपविजेता समेत हो

त्यस्तै समूह बी मा आयोजक भुटानसँगै माल्दिभ्स र पाकिस्तान रहेका छन् । प्रत्येक समूहको शिर्ष दुई टोलीहरु सेमिफाइनलमा प्रवेश गर्नेछन् ।