काठमाडौं । त्रिभुवन आर्मी फुटबल क्लबको युथ एकेडेमीका यु–१४ खेलाडी रोहित श्रेष्ठले विश्व फुटबलको थिएटर अफ ड्रिम्स उपनाम पाएको म्यानचेष्टर युनाइटेडको घरेलु मैदान ओल्ड ट्राफोर्ड जाने अवसर पाएका छन् ।

युनाइटेड वी प्ले ३.० को आयोजना तथा म्यानचेष्टर युनाइटेडको सहकार्यमा सातदोबाटो स्थित एन्फा कम्प्लेक्समा भएको दुई दिने युवा खेलाडीहरुको फुटबल क्षमता अभिवृद्धि कार्यक्रमबाट रोहित श्रेष्ठ ओल्ड ट्राफोर्ड जाने एक्ला खेलाडीका रुपमा छनौट भएका हुन् ।

अखिल नेपाल फुटबल संघ (एन्फा) को प्राविधिक सहयोग समेत रहेको कार्यक्रममा कुल ४ सय ३७ बाल खेलाडीहरुलाई सहभागिता जनाएका थिए । कार्यक्रममा म्यानचेष्टर युनाइटेडका प्रतिनिधीहरुको पनि उपस्थिति रहेको थियो ।