हेटौंडा । हेटौडा भेट्रान्स क्लबको आयोजनामा आउँदो पुष १९ देखि २३ गतेसम्म हेटौंडामा आठौं राष्ट्रिय भेट्रान्स कप फुटबल प्रतियोगिता हुने भएको छ । हेटौडा–५ स्थित पिप्लेक्याम्पा रंगशालामा हुने प्रतियोगितामा कुल २० टोलीहरुको सहभागिता रहने आयोजकले जानकारी दियो ।

प्रतियोगितामा मकवानपुर, चितवन, वीरगञ्ज, बारा, नवलपरासी, पोखरा, काठमाडौं र विराटनगरका क्लबहरुको सहभागिता रहनेछ । प्रतियोगिताको विजेताले उपाधिसहित नगद १ लाख ११ हजार हात पार्नेछ भने उपविजेताले ५५ हजार ५ सय रुपैयाँ प्राप्त गर्ने प्रतियोगिता संयोजक राजकुमार श्रेष्ठले जानकारी दिए ।

त्यस्तै व्यक्तिगत विधातर्फ पनि आकर्षक पुरस्कारको व्यवस्था गरिएको संयोजक श्रेष्ठले बताए । उनका अनुसार प्रतियोगितामा विदेशी टोलीहरुलाई आमन्त्रण गर्न प्रयास भईरहेको पनि जानकारी दिए ।